मी एक स्त्री आहे आजची आधुनिक पुरोगामी विचारांची … तरीही माझ्या
विचारांना पारंपरिक संस्कारांची एक बैठक आहे ! पुरोगामी विचारांच्या तळाशी
अभेद्य अश्या परंपरेची घट्ट वीण आहे तिची गाठ माझ्या दैनंदिन व्यवहारपासून
ते एकूण जीवन मूल्यांपर्यंत वेढली आहे ! अश्या ह्या समांतर रेषेतील
जगण्यात मी माझे स्त्रीत्वाचा स्वाभिमान जपण्याचा प्रयत्न करते … तेंव्हा
माझा स्वत:शीच मानसिक संघर्ष खुप होतो ! त्याचे परिणाम नंतर शारारिक
स्वास्थ्यतील अस्वस्थेत दिसतात ....!
पण मी
जेंव्हा माझ्या पलीकडे पहाते तेंव्हा मला माझ्याच अवती भवती अनेक स्त्रीया
दिसतात ज्या त्यांच्या त्यांच्या पातळ्यांवर संघर्ष करीत आहेत …काही
परंपरांचे जोखड झुगारून स्वत:च्या इच्छेने जगत आहेत तर काही परंपरा
संस्कार यातच आपले जीवन सार्थकी लावून स्त्रीजीवनाची परिपूर्ति साधत आहेत
…!
अश्या एक न अनेक स्त्रियांची अनुभव कथन माला मी
कधी कथा तर लघुनिबंधा द्वारा माझ्या वाचकांसाठी माझा नविन ब्लॉग "तिचे
अंतरंग" या द्वारे सादर करीत आहे ! यामध्ये "स्त्री" या गुढत्वाचे
माझ्या स्त्रीमनाने घेतलेले वेध आणि त्यावरील उकल करण्याचा प्रयत्न करणार
आहे ! आशा आहे वाचकांनाही स्त्रीचे अंतरंग समजण्यास मदत होईल ....... !!
"समिधा"